- 449 a -

1411. März 29. Ottmachau.

Herzog Wenzel bekennt, dass im Jahr 1408 der Rath von Liegnitz der Herzogin Hedwig von Sagan 50 Mark jährl. Zinses vom Erbgeschoss wiederkäuflieh verkauft hat, welche sie als Seelgeräth aussetzte und zwar für die Nonnen im h. Leichnams-Kloster, für die Bettelmönche zu Liegnitz, für arme Leute, für die Männer im Siechhause zu St. Stanislaus, für die aussätzigen Frauen zu St. Anna und für 4 Schüler der St. Peters-Kirche.

Wir Wenczlaw von gotis gnaden bischoff czu Bresslow, herczog vnd erbherre czu Legnicz bekennen offintlich mit diesim briue allin, die en sehen, horen adir leczen, das von des hochgebornen forsten eczwen herczogen Ruprechts, seligis gedechtnisse vnsers liebin bruders czu der czeit herczogen vnd herren czu Legnicz gebote, geheisse vnd beuelung, das yczund auch ist vnser wort vnd wille, vnser getrawen, liebin burgermeister vnd .. rathmanne vnser stat Legnicz Nickel Viaw, Petir Slottenig, Niclas Crebil, Andres Githan, Pawel Thamme vnd Niclas Pfaffindorff, die in dem jare, als man czalte noch gotis gebort vierczehenhundirt jar in dem achten jare an dem rate czu Legnicz gesessen habin, recht vnd redelich vorkaufft habin der hochgebornen furstynne frawen Hedwigen, herczoginne czum Sagan vnsir liebin swester, der got gnade, vumffczig marg geldis jerlichis czinsis vnsers erbgeschossis, das wir jerlichen uff der egenanten vnser stat Legnicz habin czu eynem wedirkauffe vmb sechshundirt marg Bemisscher grosschin, Pollinscher czal, iczliche marg vor czwelff marg, die von der vorgenanten vnser swester den selbin.. burgermeister vnd .. rathmanne gereith dorumme beczalt worden, die sie auch vorbas den lewten, die die egenanten vumffczig marg jerlicher gulde uff der statt hatten vnd en vormals vorkaufft woren, beczalten vnd en domite die selbin czinse wedirabekaufften, czu gebin vnd czubeczalin die selbin vumffczig marg czinsis alle jor, die wile sie nicht wedirabegekaufft werdin vff sente Walpurgen tag vumffvndczwenczig marg vnd donoch vff sente Michels tag auch vumffvndczwenczig marg; die selbin vumffczig marg jerlichis czinsis die egenante vnser liebe swester czu selegerete benümet vnd bescheiden hat vnd den burgermeister vnd . . rathmanne der selbin vnser stat Legnicz, die czu der czeit woren vnd die noch en ernochmols burgermeister vnd .. rathmanne der selbin vnser stat in czukumfftigen czeiten gekoren vnd sien werden czu selewarten vnd vorwesern desselbin ires selegeretis vnd leczten willen gekoren vnd gesaczt hat vnd en volle macht gegebin vnd beuolin hat, dasselbe ir selegerethe vnd leczten willen czuuorwesen vnd czuuorstehen vnd die egenanten czinse alle jar, die weile sie nicht wedir abegekaufft werdin, uffczuhebin vnd owsczugebin den, den sie sy benumet vnd bescheiden hat in allir mase, als hernoch steet geschrebin. Namlich in allen fasten czu kewffen heringe vor vumffczehen marg vnd der czugebin czwu tonnen in eynen gemeynen nocz den nonnen in dem closter des heiligen leichenams czu Legnicz alle jar jerlichen, die oberigen betlern .. monchin, die do wonen czu Legnicz vnd vor dry marg heller armen lewten czu teilen an sente Johanness obunde des tewffers, als her wart geboren, vnd eyne marg in das sichhows, do die manne ynne wonen czu sente Stanislaw vnd eyne marg, do die owsseczigen frawen ynne sien czu sente Annen vnd vumff marg vm broet armen lewten am obunde sente Margarethe vnd vumff marg vier schulern uff sente Michels tag, die czu nacht vnd czu tage singen sollen vor deme heiligen leichenam gotis, wenn man en czu sichen vnd kranken lewten trehet vnd czu en geet ows de pfarrekirchen sente Petirs vnd die selbin vier schulere sollin setczin vnd kysen die . . rathmanne czu Legnicz nicht noch gunst noch auch noch vrountschafft, sundir die doczu togeliche sien vnd die das mit fleisse owswertczten vnd ap sie dauon lasen wolden adir eczlicher ondir en ane redeliche sachin vor dem jore vnd wolden heisschen ir gelt noch der czeit, als sie doran gewest weren, sotanen vermeleroffern sal man keyns doran folgen lasen vnd die . . rathmanne sollin denne an sotaner abetretunger stat andere togeliche doczu kosen, die auch nicht ewig sein sollen, sunder die . . rathmanne mogen sie vorwandeln noch erem dirkentnisse, das wir lasen czu eren gewissen. Ouch sollin sie kewffen gewand vor czehen marg alle jar vnd sollin das vndir arme lewte snyden an sente Michels abund vnd auch sollin sie gebin czehen marg alle jar jerlichen uff sente Michels tag uff den thum czu Legnicz den, die den salther doselbist lehczen. Auch behalden wir vns vnd vnsern nochkomen erbherren czu Legnicz vnd nymand anders eynen freyen vngehindirten wederkauff des obgenanten czinsis vnd erbgeschossis als vumffczig marg vmb sechshundert marg der obgenanten grosschin vnd moncze, wenne wir adir vnsere nochkomen das vormogen vnd wenne das geschiet, das die jargulde vumffczig marg abegekaufft werden, so sal man deme burgermeister vnd den .. rathmannen vnser stat Legnicz, die czu der czeit sien werden, das gelt als die sechshundert marg gebin vnd beczalin, die denn andere czinse dorumme kewffin sollin erblich adir czu wedirkowffen, so sie die allir gewiste gehabin vnd bekomen mogin alzo fyl als sie der dorumme gekewffen mogen noch erem dirkennen vnd gewissen, also das die selbin sechshundirt marg grosschin ewiclich czu selegerete bliben sollin, als das diser vnser brieff awsweizet von vns als von eyme erbherren czu Legnicz vnd von allen vnsern nochkomen erbherren czu Legnicz vngehindert, vnd op sie vm dasselbe gelt nicht mochten gekewffin vumffczig marg jerlicher gulde also das sie leichte die tewerr denne vormals kewffen mustern, was sie er denne mynner denne vumffczig marg vor das gelt kewfften, so mogen sie an iczlichem stucke des vorgenanten selegerethis abebrechin noch marke czal noch erem dirkennen vnd gewissen vnd sie sollin des volle macht vnd gewalt haben von eynem iczlichen, den das antrifft, vngehindirt vnd vmbehabit. Ouch wenne der czins wedirabegekaufft wird vnd der.. burgermeister vnd die.. rathmanne vnserer stat Legnicz, die czu der czeit sien werdin, das gelt dorvmme vffgehoben, die wile sie vm dasselbe gelt nicht andere czinse gekeuffen noch bekomen mogen, das sie die weile von eynem iczlichen, den das vorgenante selegerethe antrifft vnd berurit, vngemanet vnd ane ansproche blibin sollin. Ydoch sollin der burger-meister vnd die .. rathmanne vnserer stat Legnicz, die czu der czeit werdin seyn czudirkrigen vnd wedirkewffen andere czinse an der abgekoufften czinse stat, thun iren fleis vnd mogen ane arg, das wir lasen vnd enpfelen czu eren gewissen vnd douon wir burgermeister vnd.. rathmanne der stat Legnicz, die yczund sien Nickel Viaw, Hannua Gisilher, Andres Geythan, Niclas Popelaw, Hannus Mittelaw vnd Niclas Pfaffendorff bekennen, das die obengeschreben burgermeister vnd .. rathmanne von gebote, geheisse vnd beuelunge des vorgenanten vnsers liebin herren herczogen Ruprechtis, dem got gnade, vnd auch mit rate, wissen vnd willen der eldisten der geswornen allir hantwercke vnd der ganczen gemeynen, arm vnd reich der stat Legnicz der obgenanten hochgebornen ffurstynne vnd frawen, frawen Hedwigen herczogynne czum Sagan vnser gnadigen liebin frawen, die egenanten vumffczig marg jerlicher gulde czu eynem wedirkauffe, als oben geschreben steet, vorkaufft habin recht vnd redelichen vor sechshundirt marg grosschin, die sie mit bereytem gelde enpfangen habin vnd sie vorbas den lewten, die die selbin vumffczig marg geldis uff der stat Legnicz hatten vnd en die vorkaufft woren, beczalt vnd en domite dieselbin czinse wedir abegekaufft habin vnd wir .. burgermeister vnd . . rathmanne der stat Legnicz, die iczund sien, globin mit allin den, die noch vns burgermeister vnd . . rathmanne der stat Legnicz gekoren werdin in czukumfftigen czeiten, in guten trawen ane arg vnd ane geferde denselbin czins alle jar, die weile her nicht abegekaufft wird, czugebin vnd czubeczalin uff die obgenanten tage ane hyndernisse vnd ane offczog vnd auch das vorgenante selegerethe vnd die bescheidunge vnd letczten willen der obgenanten vnser frawen der herczogynne czuuorwesen, getrewlichen czuuorsteen vnd czuuolfuren noch allir vnser mogelichkeit vnd auch vnsern gewissen, als das vns die offtgenante vnsere gnadige frawe beuolen vnd getrawit hat vnd czu ire sele selikeit auch seunderlich glewbis hat in aller mase vnd schickunge, als eygentlich oben ist begriffen. Douon wir Wenczlaw von gotis gnaden bisschoff czu Bresslaw, herczog vnd erbherre czu Legnicz sehen an die ynnekeyt vnd guten seligen willen vnser obgenanten liebin swestir, eczwen frawen Hedwigen, herczogynne czum Sagan, vnd wollin fordern irre sele selikeit vnd doran sien bie vnsern geczeiten, das iczlicher seliger letczter wille volbracht vnd volfurt werde vnd das gut, das benumet vnd gegebin wirt gote czu eren vnd czu lobe, nicht czurucke kome sunder vorgang habe, wenne was eyn mol gote czugeeygnet wirt, das sal nicht wedir in werltliche nucze gewand werden vnd dorumbe alle obenegeschrebene ordenunge, schickunge, wie die in synen articulen vnd stucken oben begriffen sient, als den kouff der vumffczig marg jerlicher gulde, die die obgenante stat czu Legnicz vnd in erem namen der burgermeister vnd .. rathmanne doselbist der vorgenanten vnserer liebin swester von gebote vnd geheisse auch des egenanten vnsers liebin bruders eczwenne herczogen Ruprechts seligis gedechtnisse vorkaufft habin von vnserm erbgeschosse, das wir habin uff vnserer egenanten stat Legnicz vnd auch des selegerethis bescheidunge vnd benumunge von der egenanten vnser liebin swester vnd selewarten dorobir von irre satczunge liebin wir, willen, loben vnd beweren vnd in crafft dies briefs befesten vnd bestetigen ewiclichen, vnd wollin auch den selbin kauff vnd das selegerethe vnserer liebin swester stete, gancz vnd vnuorrucket halden vnd auch halden sollin vnuorbrochen vnsere nochkomen, herczogen vnd erbherren czu Legnicz vnd gebieten den obgenanten burgermeistern vnd . . rathmannen vnserer stat Legnicz, die iczund sient vnd in czukumfftigen czeiten gekoren werdin, das sie das selegerethe volfuren noch allir meynunge, als en das die offtgenante vnsere liebe swestir getrawit hat sunderlich vor andern lewten vnd glewbit, das auch czu thuen wir lasen eren gewissen. Des czu orkunde vnd sicher bestetigunge habin wir diesin brieff vorsigiln lasen mit dem ingesigil vnsers furstenthums czu Legnicz vnd die stat czu Legnicz auch czu groser sicherheyt hat ir ingesigil an diesin brieff lasen hengen, der gegebin ist czu Othmuchow am sontage, als man singet Judica in der vasten, noch gotis gebort vierczenhundirt jor donoch in deme eylfften jare. Dobey seyn gewest der ersame her Johannes Augustini, cantor czu Legnicz vnd thumherre czu Breslow vnd die woltuchtigen Petir Gawsk, Petir Luckaw, Pawel Brockotindorff vnd George von Tharnow vnsers hofes schreiber, der diesin brieff gehabit hat in beuelunge.

Tramsumpt der Urk. 1424. Mai 1. Liegnitz. Siehe No. 545.

Urkunden-Buch der Stadt Liegnitz und ihres Weichbildes bis zum Jahre 1455 - Herausgegeben dr Friedrich Wilhelm Schirrmacher - Liegnitz 1866